Æfingar

Félagsaðild er innifalin í æfingagjaldi

Æfingahópurinn getur mætt á ALLAR æfingar félagsins, götuhjóla-, AM æfingar,  XC æfingar og styrktaræfingar ásamt því að hafa aðgang að líkamsræktarstöðinni Veggsport allt árið. Við mælum með að sem flestir æfi hvoru tveggja, götuhjól og fjallahjól, því báðar greinar vinna með hvor annarri en einnig er það mjög skemmtilegt. Þolið fáum við úr götuhjólunum og tæknina úr fjallahjólunum. Miklu meiri árangur fæst á fjallahjólum þegar þolið er gott og sama á við um götuhjólin, meira öryggi og meiri hraði næst þegar tæknin er góð.

HFR er með mjög metnaðarfulla æfingatöflu sem sjá má hér að neðan. Smá munur er á æfingataflunni milli sumars og veturs þar sem við færum æfingarnar inn í október. Við erum þó með útiæfingar eins lengi og veður leyfir.

Æfingahópur fær æafingaáætlun allt árið frá þjálfara í gegnum TrainingPeaks forritið. Þannig getur þjálfari fyglst með framvinndu hvers og eins og hefur betri tök á að aðstoða hvern og einn.

Árs aðgangur að líkamsræktaraðstöðu félagsins í Veggsport. Þar er bæði aðgangur að IC8 innihjólum og lyftingaaðstöðu.

FTP test einu sinni í mánuði undir leiðsögn þjálfara til að stilla æfingaálag og fygljast með árangri æfinga.

Æfingahópur fær afslátt af keppnisgjöldum í mót sem haldin eru af HFR.

Æfingahópurinn hefur aðgang öllum æfinga- og keppnisferðum á vegum HFR. Þar má nefna fjallahjólaferð innanlands, götuhjólaæfingaferð til Kanarí, fjallahjólaferðir erlendis, keppnisferðir erlendis o.fl. Sumar ferðir eru þó takmarkaðar við ákveðinn aldur.

Æfingahópur hefur aðgang að styrktar- og liðleikaæfingum 2x í viku. Hlé er gert á styrktaræfingum yfir sumartímann.

Innifalið í verði er félagsgjald HFR og keppnisgjald sem rennur til HRÍ.