Í sumar býður Hjólreiðafélag Reykjavíkur fulla aðild að æfingahóp sínum á sérstöku tilboðsverði. Aðildin gildir út ágúst 2024 og innifelur allar æfingar sem félagið býður upp á auk æfingaplans frá þjálfara og eftirfylgni í gegnum TrainingPeaks. Verð aðeins 44.030 kr.
Full aðiild, sumar 2024.
Æfingar HFR eru haldnar undir leiðsögn þjálfara eða leiðbeinanda. Þegar þurfa þykir er hópnum skiptu upp eftir getu. Á æfingum er jafnan lögð áhersla á að hita upp, taka nokkra mislanga spretti og síðan hjóla rólega í lokinn. Yfirleitt eru æfingar styttri og yfirvegaðri á haustin. Þegar líða tekur á vorið þá eykst bæði magn og vegalengd á æfingum, enda flestir að undirbúa sig fyrir hjólakeppnir á komandi sumri. Á sumrin vilja flestir reyna að bæta við sig eða halda forminu með nokkru álagi á æfingum.
Allir geta verið með, því hópurinn hjólar saman á ákveðinn stað þar sem æfingin er tekin og hjólar svo saman aftur heim. Þannig fá allir sitt út úr æfingunni því uphitunina á að taka undir lægra álagi og sprettina tekur svo hver og einn á sínu álagi. Þegar farnar eru lengri leiðir á æfingum er hópnum skipt upp eftir getustigi eða að reynslumeiri og öflugri aðilar leiða hópinn í lengri tíma á meðan þeir sem nýrri eru fylgja meira með. Þannig geta hjólarar á misjöfnu getustigi hjólað saman lengri vegalengdir.
Á sumrin eru flestir á götuhjólum (racer) en yfir vetrartímann eru flestir á cyclocross hjólum eða fjallahjólum. Útiæfingar hefjast við Nauthól í Fossvogi (við bekkina)
Fjallahjólaæfingar eru þrisvar sinnum í viku.Stundum er æfingunum valin önnur staðsetning en auglýst er í tímatöflunni og er það þá auglýst fyrirfram. Á æfingunum er lögð áhersla á tæknileg atriði, hvernig best sé að beita fjallahjólinu við mismunandi aðstæður og hvernig eigi að öðlast meira sjálfstraust við krefjandi aðstæður.
