Nú styttist í stærstu hjólreiðahátíð ársins, hina árlegu Blue Lagoon Challenge á fjallahjóli. Hátíðin fer fram laugardaginn 8. júní og verður það í 18. skipti sem hún er haldin. Þátttökumet var slegið í fyrra en þá tóku rúmlega 400 keppendur þátt.  Bláalónsþrautin er fyrst og fremst hjólreiðamót fyrir almenning og tilvalin fyrir fólk sem vill reyna aðeins á sig og njóta góðrar útiveru og fagurs landslags á Reykjanesi í leiðinni og njóta Bláa Lónsins að keppni lokinni.

Í ár sendir Ellingsen í samvinnu Team Merida Martin Haugo úr fjallahjólaliði Merida. Heimasíða Martin Haugo smella hér

Skráning Smella hér

Skoða eldri úrslit og myndir smella hér.

Við Kolla ákváðum að slá til og vera tvær í liði og láta ekki slæma veðurspá hafa áhrif á okkur. Markmiðið okkar var að hafa gaman og njóta þess að hjóla. Ég tók fyrsta hringinn og fann þá strax stemminguna og áhyggjur af veðrinu voru óþarfar. Við vorum að hjóla á svipuðum tíma báðar eða  frá 37 til 39 mín. á hring. Skiptumst á að hjóla og passlegt að taka um 30 mín pásu til að nærast og pústa aðeins, spjalla við aðra keppendur og njóta dagsins. Þegar ég lagði af stað í minn síðasta hring var nokkuð tæpt að ég næði honum áður en 6 tímarnir liðu svo ég gaf allt sem ég átti og náði í markið þegar um 4 mín. voru eftir og Kolla gat þá farið síðasta hringinn sem skilaði okkur 10 hringjum. Ég var líka staðráðin í því á mínum síðasta hring að Kolla fengi tækifæri til að fara jafn marga hringi og ég. Okkar upplifun var frábær skemmtun og góð stemming meðal keppenda. Klárlega góð viðbót í keppisflóruna og vel að þessu staðið. Hefði verið gaman að sjá fleiri konur og fá þannig inn flokkaskiptingu.

Í einstaklingskeppninni fóru Rúnar og Elvar strax af stað og héldu forystu fyrstu 2 hringina, Vignir náði þeim fljótlega og hjóluðu þeir þrír fyrstu hringina. Rúnar fór fremstur niður stígana í Heiðmörk og náði alltaf að búa til smá bil á leiðinni niður en Elvar fór þar á eftir. Vignir missti alltaf af þeim félögum á leiðinni niður en fljótur að vinna það til baka á leiðinni upp. Það var svo á fimmta hring sem Vignir fór fremstur, Elvar þar á eftir og Rúnar þriðji. Þessi röð hélst allt til loka og jókst bilið manna á milli. Síðustu 2 hringirnir voru sérstaklega erfiðir en Vignir og Elvar fóru 10 hringi eða 123km og sigraði Vignir um 10 mín á undan Elvar. Rúnar kom þriðji og var hann hring á eftir þeim félögum.

Atli tvöfaldur siguvegari í styttri vegalengd

Criteriumkeppni HFR fór fram í kvöld við fínar aðstæður á völlunum í Hafnafirði.

Keppt var í 3 flokkum A-flokki Karla, B-flokki Karla og Kvennaflokki. Að auki var keppt í milli-sprettum, þ.e. stigakeppni þar sem skipti máli að vera fyrstur yfir endamark í 3 hringjum í keppninni.

Skoða myndir smella hér syrpa 1  syrpa2

B-flokkur karla var ræstur fyrst, og þar dró fljótt til tíðinda þegar 4 menn slitu sig frá hópnum, Pétur, Atli, Rúnar og Sigurður. Þeir hjóluðu svo nokkra hringi saman, og þá féll Pétur aðeins aftur úr, og línur fóru að skýrast. Keppnin milli þeirra þriggja sem eftir stóðu réðst svo í hörku endaspretti þar sem Atli náði sigri, í öðru sæti var Rúnar og Sigurður því þriðja  Atli náði líka sigri í einum milli-spretti, og var í 3 sæti í öðrum, þannig að hann varð einnig krýndur B-Hjólasprettsmeistari 2013.  

Í kvennakeppninni var það María Ögn sem tók af skarið eftir 3 hringi og stakk hinar stelpurnar af. Áður en yfir lauk var hún búin að hringa alla keppinauta sína nema Ölmu, sem var í öðru sæti c.a. 2 mínútum á eftir Maríu.  Margrét (HFR) varð svo í þriðja sæti, en hún lauk 9 hringjum.  Frábært mót hjá Maríu sem mætti greinilega vel stemmd til leiks, og náði hún fullu húsi í sprettunum líka og var krýnd Hjólasprettsmeistari kvenna 2013.

Keppnin í A-flokki karla þróaðist á skemmtilegan hátt. Mikil keyrsla var fyrstu hringina, en fljótlega náðu Helgi Berg og Hákon Hrafn forystu sem hélst alla keppnina. Keppnin um 3ðja sætið varð nokkuð hörð, og voru það Árni Már, Emil Tumi, Benedikt og Jens sem börðust.  Á endanum var það Hákon Hrafn sem vann, Helgi Berg var í öðru og Árni Már í þriðja.  Hjólasprettsmeistari 2013 í A-flokki karla var Helgi Berg, en hann vann 2 af 3 sprettum.

Í heildina fór mótið vel fram og þakkar Hjólreiðafélag Reykjavíkur keppendum drengilega keppni, sjálfboðaliðum vel unnin störf, og öllum sem á svæðinu voru fyrir skemmtilega stemningu.

Takk fyrir frábært kvöld.
Nefndin!

A flokkur kvenna hjólaði 14 hringi
Sæti	Nafn	Félag	Tími
1	María Ögn Guðmundsdóttir	Tindur - Örninn Trek	46:18
2	Alma María Rögnvaldsdóttir	3SH	48:51
3	Margrét Pálsdóttir	HFR	10hringir
4	Halldóra Gyða Matthíasdóttir Proppé	Hjólamenn	8 hringir
5	Sigríður Lára Guðmundsdóttir	Hjólamenn	8 hringir
6	Guðrún Sigurðardóttir	Hjólamenn	8 hringir
A flokkur karla hjólaði 14 hringi
Sæti	Nafn	Félag	Tími
1	Hákon Hrafn Sigurðsson	3SH - Örninn Trek	42:19
2	Helgi Berg Friðþjófsson	HFR	42:20
3	Árni Már Jónsson	HFR / Team Cube	43:58
4	Emil Tumi Viglundsson	HFR/Örninn	43:58
5	Benedikt Jónsson	HFR	43:58
6	Jens Þór Sigurðsson	HFR	44:26
7	Valgarður S.	Bjartur	44:40
8	Hafsteinn Ægir Geirsson	Tindur - Örninn Trek	44:48
9	Davíð Þór Sigurðsson	HFR-SCOTT	44:48
10	Ingvar Ómarsson	Tindur	44:49
11	Óskar Ómarsson	Tindur	44:49
12	Guðlaugur Stefán Egilsson	Bjartur	44:50
13	Bjarki Freyr Rúnarsson	Tindur - Team CUBE	44:50
14	Ármann Gylfason	HFR	44:51
15	Eyþór Viðarsson	HFR	44:51
16	Victor Þór Sigurðsson	Hjólreiðafélagið Bjartur	11hringir
17	Guðmundur Guðnason	3SH	10 hringir
18	Pálmar Kristmundsson	HFR	7 hringir
B flokkur karla hjólaði 10 hringi
Sæti	Nafn	Félag	Tími
1	Atli Páll Hafsteinsson	HFR	34:16
2	Rúnar Már Jóhannsson	3SH	34:16
3	Sigurður Bergmann	HFR	34:17
4	Pétur Þór Hall	HFR	36:44
5	Arnþór Pálsson	Tindur	37:07
6	Bjarni A Lárusson		37:51
7	Hjalti G. Hjartarson		9 hringir
8	Eiríkur Árnason		9 hringir
9	Ragnar Viktor Hilmarsson	Hjólamenn	8 hringir
10	Ívar Pálsson		7 hringir
11	Hörður Helgi Helgason		3 hringir