Hjólreiðafélag Reykjavíkur

Fréttir

Um félagið

Stjórnin

Reglur

Skráning í HFR

Úrslit

:: Fréttir

Góðan dag, Blue Lagoon Challenge 2013df

7.júní 2013 | Albert Jakobsson

Nú styttist í ræsingu, skráningu er lokið og spennan er orðin all nokkur fyrir mótinu.

Vel á sjötta hundrað manns eru skráðir til leiks. Gott væri af fara yfir sína skráningu skoða hvort allt sé í lagi og þið séuð skráð í rétt lið.

http://events.reynir.net/?event/&eid=34

Óheimilt er með öllu að kasta frá sér rusli á leiðinni, þ.m.t. drykkjarílát, umbúðum utan af orkugeli eða orkubitum.

Blue Lagoon Challenge 2013df

6.júní 2013 | Albert Jakobsson

Nú eru komnar yfir 500 skráningar í keppnina í ár. Þetta verður stærsta hjólreiðamót sem haldið hefur verið á íslandi. Veðurspáin er bara ágæt, það verður hlýtt og milt veður, kanski smá rigning (eins og hún lítur út núna).

Við hvetjum alla sem eiga eftir að skrá sig að gera það í dag en skráningu lýkur í dag, og jafnframt biðjum við fólk um að tékka hvort liðin þeirra séu rétt skráð - sérstaklega þau sem vilja vera í firmakeppninni, en einhver brestur hefur verið í skráningu þeirra.

Smáþjóðaleikarnir 2013df

1.júní 2013 | Albert Jakobsson

Kári

6.dagur smáþjóðaleika og keppnisdagur á fjallahjólum.

Loksins kom að því að Fjallahjólakapparnir fengu að keppa. Dagurinn byrjaði eins og flestir aðrir á morgunmat á hótelinu og ljóst var að nokkur rigning væri þennan dag í samræmi við veðurspár. Okkar menn létu það þó ekki trufla sig mikið enda ættu erfiðari skilyrði í brautinni ekki að hamla okkur. Menn fóru saman í hádegismat eins og áður en með mismikla lyst eins og vill vera. Þeir sem búnir voru að keppa átu a.m.k. Vel. Þegar á Keppnisstað var komið var ennþá nokkuð mikil rigning eins og hafði verið yfir daginn og því brautin nokkuð blaut. Kári, Helgi og Ingvar hituðu vel upp. Ýmist inni íslands-tjaldinu eða úti.

31 voru skráðir til leiks en þar af ljóst fyrir smáþjóðaleika að Davíð keppti ekki til að einbeita sér að götuhjólum og 3 menn dygðu í liðakeppnina. Lúx og kýpur voru með sterk lið ásamt 'bmc-gaurnum' frá lichtenstein en sömuleiðis voru markmið okkar manna há.

Mikill æsingur var í byrjun keppni og mjög hratt farið af stað og komst Helgi nokkuð framarlega í byrjun eða í ca.10-12 sæti. Ingvar þar stutt fyrir aftan og Kári einnig. Fyrsti hringur var mjög hraður og mikil drulla í brautinni svo menn komu vel drullugir framhjá á fyrsta hring. Lúx maður hafði tekið forystu sá sami og endaði í 3.sæti í TT á þriðjudag. Röð okkar manna hélst þessi um stund en eftir að Kári fór að finna taktinn náði hann að vinna sig ofar eftir ca. 2 hring og Helgi og Ingvar héldu nokkuð góðu tempói sömuleiðis. Nánast beint eftir ræsingu hætti að rigna en brautin hélst áfram sleip og full af drullu.

Brautin sjálf var í svipuðu umhverfi og á leikunum fyrir 2 árum en nokkuð frábrugðin Hvað varðar leiðarval. Nokkuð var um flata kafla og svo mjög stutta tæknilega kafla upp og niður öfugt við fyrir 2 árum þegar brautin var mjög tæknileg. Þetta hentaði því ágætlega lúx mönnum sem höfðu mikið afl en þurftu ekki of mikla tækni. Okkar menn reyndu að keyra þétt og gerðu vel. Útlendingarnir reyndust þó nokkuð sterkir í þessari braut. Kári náði með seiglu að hjóla sig uppi 16.sæti og hélt því til loka. Helgi stutt fyrir aftan landaði 19.sæti og Ingvar kláraði stuttu seinna í 22.sæti. Ágætur árangur okkar þó væntingarnar væru háar.

Menn komu a.m.k. Vel drullugir úr keppninni:)

lúxarinn tók svo sigurinn, 26 kláruðu en nákvæm úrslit koma seinna.

Kvennakeppninni var minna sinnt þar sem okkar konur kepptu ekki í þetta sinn.

Blue Lagoon Challenge 2013df

31.maí 2013 | Albert Jakobsson

40% fleiri heldur en á sama tíma í fyrra sem eru búnir að skrá sig

Kæra hjólreiðafólk

Nú styttist í stærstu hjólreiðahátíð ársins, hina árlegu Blue Lagoon Challenge á fjallahjóli. Hátíðin fer fram laugardaginn 8. júní og verður það í 18. skipti sem hún er haldin. Þátttökumet var slegið í fyrra en þá tóku tæplega 400 keppendur þátt. Núna stefnir í eitt enn þáttökumetið þar sem 40% fleiri eru búnir að skrá sig en á sama tíma í fyrra. Bláalónsþrautin er fyrst og fremst hjólreiðamót fyrir almenning og er tilvalin fyrir fólk sem vill reyna aðeins á sig, njóta góðrar útiveru og fagurs landslags á Reykjanesi og njóta Bláa Lónsins að keppni lokinni.

Skráning

Forskráningu lýkur að kvöldi 1.júní. Þeir sem nýta sér hana geta sótt keppnisgögn í Örninn (Faxafeni 8) frá 3. til 7. júní. Dagana 2. - 6. júní hækkar skráningargjald í 5500 kr. og einungis er hægt að sækja keppnisgögn í Ásvallalaug á keppnisdegi, 8. júní. Fjöldi þátttakenda takmarkast við 600 manns. Við hvetjum fólk til að nýta sér forskráninguna og komast þannig hjá óþarfa örtröð á keppnisdegi. Ekki verður hægt að skrá sig á mótsstað.

Smellið hér til að lesa meira

Smáþjóðaleikarnir 2013df

31.maí 2013 | Albert Jakobsson

5.dagur á smáþjóðaleikum og keppnisdagur í götuhjólum.
Jæja í dag var keppnisdagur í hópstarti í götuhjólum. Fólk var vel stemmt fyrir keppni en sömuleiðis spenningur í flestum.
Veðurspáin hafði verið að lagast smám saman þegar nær dróg og endaði svo að það hélst þurrt alla keppnina.
Í karlakeppninni(128km/12hringir) var fyrirfram vitað að Lúxemborg væri með sterkt lið enda 8 liðsmenn á móti 4 frá hinum löndunum. Sömuleiðis var búið að sjá að „BMC-gaurinn“/Stefan Kung sem vann TT yrði sterkur. Það var því stefna íslenska liðsins að vera skynsamir og nýta sér að vera ekki það lið sem mest yrði tekið eftir.
Keppnin hófst frekar rólega og eftir fyrsta hring hafði lítið gerst. Á 2 og 3 hring æstust leikar og mikið var um spretti og tilraunir til að „break-a“ frá aðalhópnum sem ýmist var lokað eða leyft að fara. Skyndilega var staðan sú að aðalhópurinn hafði orðið að þremur grúppum þar sem ca.10 manns komust fremst, þvínæst svipuð grúppa sem Árni og Hafsteinn voru í og svo 3.grúppa þar sem Davíð og Emil voru sem höfðu veðjað á rangan hest, þ.e. að fylgja 3 sigurstranglegum mönnum þ.á.m. Stefan Kung.
Í millitíðinni hafði einn lúx-maður sloppið einn fremst og aðrir liðsmenn hans hægðu á hópnum sem sameinaðist loks þar sem fyrsta, önnur og 3.grúppa urðu að einum stórum hóp. Þessi aðalhópur dólaði sér rólega eina 3 hringi þangað til að aftur fór að æsast og sluppu einn lúx-maður og annar lichtenstein saman en aðalgrúppan hélst annars óbreytt. Það var því ljóst að endasprettur yrði um 3. Sæti. Við það að ca. 30-35 manna grúppa ætli að spretta um að vera fyrstir í gegnum síðustu beygju, 300 metrum fyrir endamark, þá er því miður staðan oft þannig að mikill hamagangur og stöðubarátta verður.
Okkar menn reyndu að staðsetja sig þokkalega fyrir endasprett þannig að góð úrslit yrðu fyrir okkar hóp en Davíð tókst að vera meðal þriggja fremstu í gegnum síðustu beygju og þannig ná 6.sæti rétt við hlið „BMC-gaursins“. Emil var stutt fyrir aftan og landaði 14.sæti. Það fór hinsvegar ekki nógu vel fyrir Hafstein og Árna sem urðu mjög óheppnir og lentu í árekstri allnokkurra hjólara rétt fyrir síðustu beygju, virkilega leiðinlegt en hetjulegt af þeim að hafa sig strax upp á hjólin og klára keppnina en það skilaði liðinu brons í liðakeppni. Niðurstaðan var því ánægjulegt brons fyrir liðið og fyrstu verðlaun íslensk hjólaliðs á alþjóðavísu, Davíð Þór 6.sæti, Emil Tumi 14.sæti, Hafsteinn og Árni, 21. Og 22. Sæti eftir að hafa haft sig uppúr árekstri og klárað.
Kvennakeppnin(85km/8hringir) var sömuleiðis nokkuð athyglisverð.
María var ásamt nokkrum öðrum löndum ein síns liðs á móti 5 lúx-stelpum sem höfðu þar með nokkra yfirhönd. Þær gátu sent sínar konur í „break“ og þannig þreytt andstæðingana. María var þó klárlega mjög sterk þó að ekki væri hægt að sýna það í dag vegna þeirra aðstæðna að þurfa að keppa við 5 lúx-stelpur. Stúlkan frá San Marinu hafði þó talað við Maríu til að reyna vinna með henni gegn sterku liði Lúx en það dugði þó skammt þar sem sú lét mótlætið fara með sig og hætti keppni fljótlega á öðrum hring eftir að eitthvað hafði verið um spretti frá lúx til að reyna koma sínum keppendum fram til sigurs. Við það að missa út einu mögulegu hjálpina í keppninni var María í vondri stöðu og gat lítið gert gegn fjölda lúx-stelpna þó að vissulega ætti María meira inni og væri sterkari en svo að þurfa horfa á eftir lúx stelpum. Keppnin hélt áfram með árásum lúx-stelpna sem ekki var hægt að svara einsömul þar sem aðrir keppendur sýndu ekki tilburði til að reyna loka á lúx-stelpurnar svo María kláraði þá keppnina með sæmd og náði 6.sæti. María ætlaði sér meira en kannski umhugsunarvert hvort ekki þurfi jafnari liðsfjölda til að gera keppnina meira spennandi.

Engu að síður fögnum við bronsi íslenska liðsins og besta árangri á alþjóðavísu hingað til!
Fjallahjólakeppnin er svo á morgun kl. 17.30 að staðartíma þar sem Helgi, Ingvar og Kári keppa fyrir Íslands hönd en Davíð keppir ekki eins og stóð til. Við sendum þeim baráttukveðjur!

[ Síða 1 of 225]

Næsta síða >>

© hfr 2012

[ hafðu samband ]

Bikecompany Reykjavik Iceland. Bike tours and rentals